We're fair trickit tae say thit Jackie his been nominated in e best spikker category o e Scots Language Awards 2021.  

Ere's only a puckle days left tae vote – it closes on 19^th September.

We'd be affa trickit iv ye wid gee Jackie yer vote fur best spikker in e Speaker of the Year category.  She's up against some braw folk bit it wid be a gran wye tae get mair publicity fur Doric Books iv she did weel.  Sae please tell yer freens an faimly tae vote inna!

Ye can vote bi clickin HERE!

We're fair trickit tae say thit 'The Puddock' his loupit ontil e shelves iss verra day!  E first copies hiv been posted oot tae Canada, USA, Wales an aa airts o Scotland.  McKenzie Print, Dyce hiv deen anither braw job an we're affa chuffed tae say thit puckles o skweels hiv been bocht copies as pairt o oor Kickstarter campaign.

Helen Gibson, fa bides on e Isle o Man, bit cums fae e Nor-East his donated a set o ten 'Puddocks' an ten 'Auld McDoanlds' tae Rhynie Skweel, far puckles o her faimly aye bide.  Muckle thanks tae Helen - it skweel are gaun tae be fair trickit.

Last wik I wis interviewed bi Finn Nixon fae Scots Radio.  It wis a gey dreich day bit Finn an masel hid a rare news.  He wis speirin aa aboot Doric Books an some o e tales aroon Lumphanan.  Click here tae hear fit we wir spikkin aboot.

Last week I was interviewed by Finn Nixon from Scots Radio.  It was a rather dull day but Finn and I had a good chat.  He was asking all about Doric Books and some of the tales around Lumphanan.  Click here to hear what we were speaking about.

We're fair trickit tae get a gran review on e unicornsandkelpies blog.  She said, "I absolutely adored this book. It is funny, beautifully illustrated and the perfect way to enjoy a story in Doric."  Iv ye wint tae read e hale review click here.

We're really pleased to get a rave review on the unicornsandkelpies blog.  She said, "I absolutely adored this book. It is funny, beautifully illustrated and the perfect way to enjoy a story in Doric."  If you want to read the whole review click here.