We wir up in Huntly on Friday (jist afore Storm Arwen hit e Nor-East) tae tell e folks at e Devron Projects' Friday Lunch aa aboot Doric Books.  Efter a fine plate o soup we telt thim fou we stairtit, fit we've deen up tae noo, an fit oor plans fur e future are. Syne they speirt a puckle questions an hid a gweed luikie at e buiks.  Folk wir fair trickit wi thim.

We were up in Huntly on Friday (just before Storm Arwen hit the North-East) tell the folks at the Devron Projects' Friday Lunch all about Doric Books.  After a tasty plate of soup we told them how we started, what we've done so far, and what our plans for the future are. Then they asked a few questions and had a good look at the books.  People were very impressed with them.

We're fair trickit tae say thit Jackie his been nominated in e best spikker category o e Scots Language Awards 2021.  

Ere's only a puckle days left tae vote – it closes on 19^th September.

We'd be affa trickit iv ye wid gee Jackie yer vote fur best spikker in e Speaker of the Year category.  She's up against some braw folk bit it wid be a gran wye tae get mair publicity fur Doric Books iv she did weel.  Sae please tell yer freens an faimly tae vote inna!

Ye can vote bi clickin HERE!

We're fair trickit tae say thit 'The Puddock' his loupit ontil e shelves iss verra day!  E first copies hiv been posted oot tae Canada, USA, Wales an aa airts o Scotland.  McKenzie Print, Dyce hiv deen anither braw job an we're affa chuffed tae say thit puckles o skweels hiv been bocht copies as pairt o oor Kickstarter campaign.

Helen Gibson, fa bides on e Isle o Man, bit cums fae e Nor-East his donated a set o ten 'Puddocks' an ten 'Auld McDoanlds' tae Rhynie Skweel, far puckles o her faimly aye bide.  Muckle thanks tae Helen - it skweel are gaun tae be fair trickit.